Унда һайлап алынған 15 автор күренекле театр белгестәре һәм драматургтары менән аралашып, тәжрибә туплай.

Семинарҙы ойоштороусыларҙың төп ниәте яңы авторҙар табыу, театрҙар, драматургтар, төрлө ойошмалар журналистары менән бәйләнеште нығытыу. Семинарҙың тәүге этабында теория, шулай уҡ оҫталыҡ дәрестәре үткәрелә, пьесалар тикшерелә.

Кешегә икмәктән тыш рухи аҙыҡ та кәрәк, тигән фекер менән бәхәсләшеүселәр һирәк осрай. Шуның өсөн дә йәмғиәт театр сәнғәтенән башҡа йәшәй алмай. Семинарҙың икенсе һәм өсөнсө этаптарында режиссерҙар, театр директорҙары тәжрибә уртаҡлаша. Заһир Исмәғилев исемендәге Өфө дәүләт сөнғәт академияһы студенттары ла үҙҙәрен һынап ҡараясаҡ.