10 июль көнө 14.00 сәғәттән 20.00 сәғәткә тиклем Аксаков исемендәге баҡсала ҡала ғаилә байрамы үтәсәк. Сараны ойоштороусылар әйтеүенсә, байрам ижад һәм буш ваҡытты бергә уҙғарыу аша ғаилә традицияларын тергеҙеүгә йүнәлтеләсәк. Ҡунаҡтар өсөн бай һәм зауыҡлы программа булдырылған: шәфҡәтлек концерты, әңгәмәләр, күргәҙмәләр, мастер-кластар, балаларға – төрлө уйындар. «СТС» телеканалы конкурс һәм, әлбиттә, шәп бүләктәр әҙерләгән.

Ә төрлө тематикалы майҙансыҡтарҙа ҡыҙыҡлы һәм файҙалы тамашалар тәҡдим ителәсәк. Дөйөм әйткәндә, күңелле буласаҡ! Байрамға рәхим итегеҙ!

Сығанаҡ: "Шоңҡар" журналы.