Осрашыуҙа Башҡортостан яҙыусылары председателе Риф Тойғонов менән, күп кенә әҙәбиәтселәр ҙә ҡатнашты.
Осрашыу үткән колледж китапханаһында Башҡортостандың халыҡ шағирҙары Мостай Кәрим, Рәүил Бикбаев һәм бүтән танылған яҙыусылар тураһында экспозициялар ҙа әҙерләнгәйне. Осрашыу башланып китер алдынан, колледж директоры Олег Кобелев ҡыҫҡаса үҙе етәкләгән уҡыу йорто тураһында һөйләп үтте. Колледждың 80 йыллығына арналған китап өсөн, Олег Кобелев уның авторына Алла Докучаеваға рәхмәт һүҙҙәрен әйтеп үтте.
Осрашыуҙы, студенттарға китапты яратыу, уның менән дуҫлашыу теләктәре менән Риф Тойғонов асып ебәрҙе. Шулай уҡ талибтарға Башҡортостандың халыҡ шағирҙары Ҡәҙим Аралбаев, Марат Кәримов, Ирек Кинйәбулатов, шағирәләр Әнисә Таһирова, Любовь Колоколова, Фәрзәнә Ғөбәйҙуллина үҙҙәренең шиғриәт, йәш быуын менән бәйләнгән теләктәрен белдерҙе. Улар үҙҙәренең шиғырҙарын һәм яҙған әҫәрҙәрен уҡып ишеттерҙе.
Студенттар яҙыусыларға музыкаль программа, яттан уҡып уларҙың шиғырҙарын бүләк итте. «Башҡортостандың мәҙәни донъяһы» порталы