22 март Өфө мәктәптәренең театр коллективтары араһында «Алтын маска» конкурсы үтә. Ижади ярыш 3 төркөмдә: 6–9, 10–12, 13–16 йәшлектәр араһында буласаҡ. Сараны Өфө ҡала хакимиәтенең мәғариф идаралығы, Совет районының «Глобус» балалар ижады үҙәге ойоштора. Жюри спектаклде 5 номинацияла баһалаясаҡ: драма спектакле; музыкаль спектакль; театраль миниатюра; ҡурсаҡтар спектакле; пластик спектакле. Һәр бер райондан 3 ғариза ҡабул ителә. Сығыш 20 минуттар артмаҫҡа тейеш.

Жюри һайланған әҫәрҙең педагогик маҡсаттарға тап килеүенә, теманың актуаллегенә, йөкмәткегә, композиция тулылығына, режиссерҙың кимәленә, башҡарыу оҫталығына иғтибарын йүнәлтәсәк.

Конкурс 26-се һанлы Өфө урта белем биреү мәктәбендә үтә.

Сығанаҡ: Башинформ мәғлүмәт агенствоһы