Өфө хакимиәтенең рәсми сайтында яңы рубрика булдырылды, унда Башҡортостан баш ҡалаһының иҫтәлекле урындары тураһында мәғлүмәт урынлаштырылған, тип хәбәр иттеләр мэрияның матбуғат хеҙмәтенән.

Яңы рубрика «Уфимские ведомости» гәзите менән берлектә булдырылған. Сайттың яңы бүлегендә 15 билдәле архитектура объектының барлыҡҡа килеү тарихы тураһында мәғлүмәт бар. Улар араһында – Өфө циркы, Телеүҙәк, «Ағиҙел» ҡунаҡханаһы, Башҡорт дәүләт аграр университеты.