Күренекле яҙыусы Әмир Әминевтең Зәйнәб Биишева исемендәге «Китап» нәшриәтендә «Ҡәләмдәштәргә һүҙ» тигән китабы донъя күрҙе. Әмир Әминевтең был китабына төрлө йылдарҙа ҡәләмдәштәренең айырым әҫәрҙәренә йә дөйөм ижадына бағышланған рецензиялары, мәҡәләләре, Башҡортостан Яҙыусылар союзының проза секцияһы рәйесе булып эшләгәндә съездарҙа, йыйылыштарҙағы сығыштары, шулай уҡ рәссамдар хаҡында фекерҙәре, әҙиптең үҙе менән әңгәмәләр урын алған. 

Мәҡәләләрҙең исемдәре лә бик әһәмиәтле: «Ҡыҙыл ут»ҡа сығып барғанда», «Прозабыҙ Ирәмәле», «Юлдар сатында»ғы кеше», «Әҙәбиәт — тормош дәреслегеме бөгөн?», «Әҙәбиәт — үҙе үк сәйәсәт» һәм башҡалар.

«Башҡортостандың мәҙәни донъяһы» порталы