Бөгөн «Оперение ON» ижад студиялары араһында үткән беренсе Бөтә Рәсәй фестивале тамамлана. Ул балалар ижадын популярлаштырыу, талантлы балаларҙың потенциалын асыу һәм үҫтереү, ошондай сараларҙы үткәреү формаларын табыу маҡсатында үтте. Константин Хабенский, Михаил Пореченков, Тимур Родригез, Данила Козловский, Александр Петров кеүек билдәле артистар фестивалде хуплап ярҙам иттеләр.

Фестивалде ябыу сараһында 20 сәғәттә De Bufo грим театры «Клюква» спектаклен күрһәтәсәк. Шулай уҡ «РеспубликаХ» театр-студияһы барабандар номерын һәм «Сарматтар алтыны» бейеүе менән сығыш яһай.