Тиҙҙән 2 март көнө, Х. Әхмәтов исемендәге Башҡорт дәүләт филармонияһында йырсы, композитор, Башҡортостандың халыҡ артисы  АРТУР ТУҠТАҒОЛОВТЫҢ «ЙОНДОҘЛО ЮБИЛЕЙ» исемле концерты үтәсәк.

2 март көнө яратҡан башҡарыусының матур ғүмер байрамы, йырсы 50 йәшлек юбилейын билдәләй. Төрлө йылдарҙағы хиттар, көтөлмәгән дуэттар, дәртле бейеүҙәр, моңло ҡурай, баян моңдары һәм башҡа “тәмле” бүләктәр һеҙҙе көтә!

          Үҙ иленең ялҡынлы патриоты, талантлы композитор, оҫта музыкант, йөҙҙән артыҡ йырҙар авторы, рухлы йырҙары, шаян көйҙәре һәм дәртле бейеүҙәре менән тамашасы күңелен әсир иткән Артур Туҡтағоловҡа 50 йәш! Уның сәхнәләрҙе йәнләндереп сығыш яһауы береһен дә битараф ҡалдырмай - һоҡланыу ҡатыш ғорурлыҡ хисе уята.

       «Йондоҙло юбилей» ҡунаҡтары - филармониябыҙҙың иң сағыу йондоҙҙары Нәзифә Ҡадырова, Хәлит Фәтихов (баян), Миңзифа Исҡужина, Ғәли Алтынбаев (баян), Әлфиә Юлсурина, Айгөл Һағынбаева, Рөстәм Шаһыбалов, Лилиә Ишемйәрова, Рушан Биктимеров (ҡурай), Марсель Ҡотоев, Гүзәл Аҫылбаева, Илнур Хәйруллин (ҡурай), Искәндәр Ғәзизов, Заһир Иҫәнсурин, Айгиз Ханов, Әлфиә Заһиҙуллина, Айтуған Ғәйзуллин, Тимур Рамаҙанов, Эльмир Әбүбәкиров (думбыра), Ринат Рамаҙанов (ҡурай), Фәриҙә Ғаззалова һәм башҡалар.

           Йондоҙҙар бик күп, әммә «Йондоҙло юбилей» берәү генә! Иҫ киткес шәп тамашаға шаһит булып, күңелдәрегеҙҙе йыр-моңға сорнағығыҙ килһә, 2 март киске сәғәт етелә филармонияның Ҙур залында көтәбеҙ!