Башҡортостандың «Арғымаҡ» этно-рок төркөмө Ҡырғыҙстанда «Күсмә халыҡтар донъяһы»нда еңеү яуланы, «этнохит» номинацияһында диплом менән бүләкләнде.
Алдан хәбәр итеүебеҙсә, «Күсмә халыҡтар донъяһы» халыҡ-ара этномәҙәни фестивале III Бөтә донъя күсмә халыҡтары уйындары сиктәрендә уҙғарылды.
«Арғымаҡ» төркөмө «Алпамыша», «Ҡара юрға», «Байыҡ» композициялары менән сығыш яһап, барыһын да хайран ҡалдырҙы.
«Этнохит» сараһында фольклор-этнографик ансамблдәр, инструменталь музыка һәм халыҡ йырын башҡарыусылар, шулай уҡ эстрада йырсылары сығыш яһаған.