Стәрлетамаҡ дәүләт концерт-театр берләшмәһе хәбәр итеүенсә, 1 апрелдә 19.00 сәғ. “Ашҡаҙар” башҡорт эстрада-фольклор төркөмө “Беҙҙән һеҙгә – шәп кәйеф!” тип исемләнгән ҙур концертын тәҡдим итәсәк.

Күңелле көлкөлө тамашала төркөмдөң талантлы солистары – Башҡортостандың атҡаҙанған артистары Рәйхана һәм Миңлеғәле Хәсәновтар, Зөлфиә һәм Рәмил Әүбәкировтар, Гүзәлиә Татлыбаева, Ришат Хәмитов, Айҙар Латыпов, Ильдар Рәхимғолов, Динар Абдуллин ҡатнаша. Күңелдәрҙе илһамландырған халыҡ һәм дәртле эстрада йырҙары, ҡурай моңдары яңғыраясаҡ.

 Моң һәм илһам һөйөүсе дуҫтар! Күңелдәргә ял, йөрәктәргә дәрт, күтәренке кәйеф алырға теләһәгеҙ - матур тамашанан ситтә ҡалмағыҙ.