13-14 октябрҙә Стәрлетамаҡ ҡалаһында VI «Ашҡаҙар таңдары» республика башҡорт фольклоры байрамы уҙғарыла. Проект Башҡортостан Республикаһының бренд саралары исемлегенә индерелгән. Конкурста башҡорт фольклор коллективтары (16 йәшкә тиклем һәм 16 йәштән өлкән) ҡатнаша, уларҙың репертуарында фольклорҙың төрлө жанрҙары (һүҙ, йыр, бейеү, инструменталь, халыҡ йолалары, ғөрөф-ғәҙәттәре, йолалары, халыҡ уйындары, ярыштар, тирҙәр, кәсептәр һәм башҡалар) күрһәтелгән, улар үҙ төбәгенең башҡарыу манераһын һәм локаль йолаларын, этнографик (халыҡ) костюмын һаҡлай.

Һирәк һәм үҙенсәлекле жанрҙарҙы башҡарыусылар (әкиәттәрҙе күрһәтеүселәр, сеңләүселар, һамаҡсылар һ.б.) айырым баһалана. Шулай уҡ «Оҫта ҡул», «Иң яҡшы башҡорт халыҡ ирҙәр костюмы», «Иң яҡшы традицион башҡорт халыҡ ҡатын-ҡыҙы костюмы» номинацияларында халыҡ костюмдарын тегеү һәм башҡорт ювелир биҙәүестәрен эшләү оҫталары билдәләнә. Байрам программаһында башҡорт фольклорын башҡарыусылар конкурсы, башҡорт фольклор коллективтары етәкселәре өсөн семинар-лаборатория, ғалим-фольклорсылар, республиканың сәнғәт оҫталары, башҡорт фольклорының төрлө жанрҙарын башҡарыусылар менән ижади осрашыуҙар, милли кейем, башҡорт фольклоры тематикаһы һәм проблемалары буйынса китаптар күргәҙмәһе, Башҡортостандың сәнғәт оҫталары ҡатнашлығындағы концерт ҡаралған.