21 февраль Х. Әхмәтов исемендәге Башҡорт дәүләт филармонияһы Ватанды һаҡлаусылар көнөнә арналған музыкаль-юмористик тамаша тәҡдим итә.

Байрам көнөндә ҡәҙерле ир-егеттәребеҙгә нимә бүләк итергә, тигән һорау килеп тыуалыр, ғәҙәттәгесә. Моғайын филармония тәҡдим иткән ҡыҙыҡлы тамашаға билет иң ҙур бүләктәрҙең береһе булыр! Әлеге ваҡытта күңелле тамашаға ҡыҙыу әҙерлек бара ла инде.

 Ватанды һаҡлаусылар көнөнә арналған «Аты-баты…атты һатты, йәки әрме мажаралары» тип исемләнгән байрам тамашаһынан ситтә ҡалмағыҙ! Күңел асып, рәхәтләнеп көлөп, шатланып ҡайтырға теләһегеҙ-беҙгә юлланығыҙ. Ҡыҙыҡлы ла, ҡыҙғаныслы ла күренештәр, миниатюралар –бары тик һеҙҙең  өсөн! Тамаша дәртле бейеүҙәр менән үрелеп барасаҡ.

Музыкаль-юмористик тамашала «ҠЫҘЫҠ менән МӘҘӘКТӘР» көлкө десанттары, моңло спецназ - Тимур РАМАҘАНОВ, Эльмир ӘБҮБӘКИРОВ, Рөстәм ШАҺЫБАЛОВ, Марсель ҠОТОЕВ, Айтуған ҒӘЙЗУЛЛИН, Искәндәр ҒӘЗИЗОВ, сик буйы ғәскәре музыканттары - Рушан БИКТИМЕРОВ, Таһир ШАҺИВӘЛИЕВ, Илшат ФӘТИХОВ, хәрби-диңгеҙ флоты бейеүселәре - Лилиә ХАЖИҒӘЛИЕВА, Регина БАРАКОВА, Зарина СОЛТАНГИЛДИНА, Анастасия СКАРЖЕНЮК ҡатнаша. Режиссер-ефрейтор – Илшат ҒӘЛИМЙӘНОВ.