Республика халыҡ ижады үҙәгенең «Табын» халыҡ ижады йорто коллективы күренекле шағир һәм мәғрифәтсе Мифтахетдин Аҡмулла тураһында спектакль менән республика буйлап гастролдәрен дауам итә. 15 февралдә спектаклде - Ейәнсура районында, 16 февралдә Хәйбулла районында күрһәтәләр.

- «Табын» халыҡ ижады коллективы 2022 йылдан алып эшләй. Театр сәнғәтен һөйөүсе һәүәҫкәр йәштәр Мифтахетдин Аҡмулланың тормошо һәм ижады тураһында спектакль ҡуйыуға дәртләнеп тотона. Спектаклдең премьераһы 2022 йылдың октябрендә Өфөлә була. Бер нисә ай эсендә уны Салауат, Ҡыйғы, Дыуан, Бишбүләк, Бөрйән, Баймаҡ, Миәкә райондарында күрһәтеп өлгөргәндәр. Тамашасылар спектаклде ҙур ҡыуаныс менән ҡабул итә,- ти сценарий авторы, Башҡортостанlың атҡаҙанған артисы, М.Кәрим исемендәге БР Милли йәштәр театры актеры Илнур Лоҡманов.

Спектаклгә билеттарҙы Республика халыҡ ижады үҙәгенең сайтында һатып алырға мөмкин  https://rcntrb.com/ru/anons/meropriyatiya-po-pushkinskoj-karte Пушкин картаһы ғәмәлдә.