Башҡортостанда бөгөн 27-се Халыҡ-ара Аксаков көндәре башланды. Байрам саралары баш ҡаланан тыш, Бәләбәй, Ҡырмыҫҡалы һәм Өфө райондарында үтәсәк.

Күләмле саралар бөгөн Өфө районының Рус тарихи-мәҙәни үҙәгендә "Һунарсы яҙмалары" китабы буйынса интерактив күргәҙмә менән асыласаҡ, ти ойоштороусылар. Иртәгә байрам Өфө, Ҡырмыҫҡалы һәм Бәләбәй райондарында уҙасаҡ. 30 сентябргә мәктәптәрҙә Аксаков дәрестәре, Аксаковтың Мемориаль Йорт-Музейына экскурсия, Башҡорт дәүләт опера һәм балет театрында Аксаков балы һәм "Ал сәскә" балетының премьераһы күрһәтеләсәк.  

Мәғлүмәт өсөн: Аксаков байрамы яҙыусы Сергей Тимофеевия Аксаковтың тыуған көнө – 1 октябрь алдынан 1991 йылдан алып үткәрелеп килә. Тәүгеһе 1991 йылда халыҡ-ара ЮНЕСКО ойошмаһы башланғысы менән Аксаков йылы иғлан итеү айҡанлы уҙғарылғайны.