Әлфинур Зарип ҡыҙы Вәхитова 1931 йылдың 20 ноябрендә Мәләүез районының Килтәй ауылында тыуған.

Башҡорт балалар шағирәһе, РФ һәм БР Яҙыусылар союзы ағзаһы.
Һарыш, Йомағужа ауылдары мәктәптәренә белем ала. 1953—1956 йылдарҙа Мәләүез районының Әбет, Түбәнге Таш, Әлемғол ауылдары мәктәптәрендә уҡыта. 1958—1959 йылдарҙа «Совет Башҡортостаны» гәзите хеҙмәткәре. 1959—1993 йылдарҙа «Йәншишмә» гәзитендә эшләй.

Ә. Вәхитова башҡорт балалар шиғриәте өлкәһендә ижад итә. «Күстәнәс» (1966), «Кем ғәйепле?» (1975), «Хат яҙа беләм» (1983) һ. б. шиғри йыйынтыҡтарында хеҙмәткә, тәбиғәттең һәм тормоштоң матурлығына дан йырлай. БАССР-ҙың атҡаҙанған мәҙәниәт хеҙмәткәре (1986).
“Күстәнәс”, “Кем ғәйепле?”, “Хат яҙа беләм”, “Ғәли бабай баҡсаһы”, “Дуҫлыҡ утрауы”китаптар авторы.