Мулланур Абдулхай улы Ниғмәтуллин (28 октябрь 1941 — 11 февраль 2002) — башҡорт театр актёры, БАССР-ҙың халыҡ һәм атҡаҙанған артисы, Театр эшмәкәрҙәре союзы ағзаһы.

Ниғмәтуллин Мулланур Абдулхай улы 1941 йылдың 28 октябрендә Башҡорт АССР-ының Мәсетле районы Йонос ауылында тыуған. Ләмәҙтамаҡ урта мәктәбен 1960 йылда тамамлаған. 1966 йылда Өфө сәнғәт училищеһын тамамлай һәм ике йыл Мәсетле район мәҙәниәт йортоноң художество етәксеһе була.

1968—2002 йылдарҙа Арыҫлан Мөбәрәков исемендәге Сибай дәүләт башҡорт драма театрында эшләй.

Актер 55 йыл ғүмерен театр донъяһына бағышлаған. Трагик һәм комедия ролдәрҙе оҫта башҡарыуы менән айырылып торған. Мулланур Ниғмәтуллиндың яратып башҡарған ролдәре: Диманш ("Дон Жуан" - Мольер Ж.-Б.); Жевакин ("Женитьба" - Гоголь Н.В.); Ҡанбаба ("Тамарис" - Ғаниева Т.); Мәхмүт ("Йәйәүле Мәхмүт" - Кәрим М.); Мөхәмәтша мулла ("Ҡоҙаса" - Исмәғилев З.Г.); Николай ("Порог" - Дударев А.); Нолинакха ("Ганга Ҡыҙы" - Гинзбург А.); Нурәхмәт ("Под знаком Марса" - Хәмит Р.); Президент ("Коварство и любовь" - Шиллер Ф.); Тимербай ("Эх, минең дуҫ Байтимер" - Кинйәбаев Р.); Үлмәҫҡол ("Ҡыу юлы" - Асанбаев Н.); Утәғол ("Башҡорт туйы" - Буранғолов М.).

Гүзәл Багаева