Республика 26-сы тапҡыр Рәсәй төбәктәре һәм сит ил фоторәссамдарын бергә йыя. «Тәбиғәт, кеше, мәҙәниәт» тип аталған халыҡ-ара акция сиктәрендә улар Башҡортостан менән таныша. Мауыҡтырғыс сәфәргә сығыу алдынан фотообъектив оҫталары «Башҡортостан - тыуған илем» фотокүргәҙмәһен асыуҙа ҡатнашты.
Акцияның маҡсаты Башҡортостанды донъя күләмендә танытыу. Сәфәр һөҙөмтәләре буйынса күргәҙмә ойоштороу һәм «Башҡортостан дуҫтар күҙлегенән» тип аталған фотоальбом сығарыу ҡарала.

Биш көн эсендә фоторәссамдар төркөмдәргә бүленеп Илеш, Дүртөйлө, Ҡариҙел, Бөрө, Борай, Асҡын һәм Балтас райондарына сәфәр ҡыласаҡ. Акция Өфөлә 12 июндә тамамлана. Уның һөҙөмтәләре буйынса баш ҡалабыҙҙа һәм Мәскәүҙә фотокүргәҙмә ойоштороу күҙаллана.

Тулыраҡ