“Рәсәйҙең данлы күпере”. Өфө-Ҡырым.

Башҡортостан ойошторолоуҙың 100 йыллығына арналған проект Белорет һәм Ялта ҡалаларының үҙәкләштерелгән китапханалар системалары инициативаһы буйынса ойошторолдо.

Башҡортостан, Силәбе өлкәһенән ҡырҡҡа яҡын китапхана, мәҙәниәт һәм мәғариф хеҙмәткәрҙәре Ҡырымға барып ҡайтты.

Аҙна дауамында барған акцияла ҡатнашыусылар автобус менән биш мең ярым километр юл үткән.

«Дюльбер» шифаханаһында ғилми-практик конференцияла ҡатнашып, әүҙем сығыш яһанылар.

Шулай уҡ Ялта ҡала Советының депутаттары, йәмғиәт ойошмалары етәкселәре, шағирҙар, яҙыусылар һәм артистар менән осраштылар.

“Рәсәйҙең данлы күпере”акцияһы, ысынлап та, дуҫлыҡ күперенә әүерелде. Ҡырым ҡалаларының китапханасылары менән осрашыу, тәжрибә уртаҡлашыу, иҫтәлекле ваҡиғаларға бай сәйәхәт һәр кемдең күңелендә яҡты хәтирәләр һаҡлар.