Йәйен 20-30 июндә Башҡортостан театрҙары  Екатеринбург ҡалаһында үтәсәк «Коляда-Plays» Халыҡ-ара заманса драматургия фестивалендә ҡатнашырға йыйына.

Шулай уҡ фестивалдә Румыния, Македония, Сербия һәм Венгрия театр коллективтары ҡатнашыу теләге белдергән, күрше өлкәләрҙән Ижевск, Әлмәт, Архангельск, Астана, Ульяновск, Вологда, Воронеж, Мәскәү, Калининград, Силәбе, Екатеринбург, Нижневартовск, Әстрхан, Тольятти, Томск, Пермь, Чебоксар ҡалалары театрҙары киләсәк.

Халыҡ-ара театр фестиваленә 32 спектакль һайлап алынған.

 Башҡортостан «Троя хаҡында йыр. Бында һәм хәҙер» (Әнгизә Ишбулдинаның пьесаһы буйынса) — Башҡортостан Заманса режиссура һәм драматургия үҙәгенең проекты, «Күрше бүлмәләге Голливуд» спектакле (Екатерина Гузема) — «De Bufo» театры. Туймазы ҡалаһының Татар дәүләт драма театры «Колбаса. Өҙөктәр» (Валерий Шергин) спектаклдәрен тәҡдим итәсәк.

Фестиваль Рәсәй Федерацияһының атҡаҙанған сәнғәт эшмәкәре, «Коляда-Театр»ының художество етәксеһе, фестиваль авторы Николай Коляда етәкселегендә Рәсәй Театр эшмәкәрҙәре союзының Сведловск төбәк бүлексәһе ярҙамында ойошторола.

Фестиваль программаһында – спектаклдәр ҡарау һәм театр тәнҡитселәренең асыҡ фекер алышыуы.