Тиҙҙән Ауырғазы районында яңы Мәҙәниәт йорто асыласаҡ. Мәҙәниәт йорто Яңы Федоровка ауылында урынлашҡан.

Мәҙәниәт йортон төҙөкләндереү маҡсатында яҡынса 1,5 млн һум аҡса бүленгән. Төҙөлөш эше урындағы башланғыстарҙы хуплау программаһы сиктәрендә башҡарыла. Мәҙәниәт йортоноң ҡыйығы, иҙәндәре, тәҙрә-ишектәре алмаштарыла, йылытыу системаһы яңыртыла.

Ауыл мәҙәниәт йортонан хәбәр итеүҙәренсә, яңыртылған мәҙәниәт йортон асыу тантанаһы 29 декабрҙә үтәсәк.