Тамашасылар интерактив программаға әүҙем йәлеп ителәсәк. Башҡорт милли кейеме байрамы барышында «Башҡортса кейен» бейеү флешмобы, тамашасылар менән уйын-викторина, «Мин башҡорт кейемендә!» селфи-шоуын ойоштороу ҡаралған. Башҡорт эстрадаһы йондоҙҙарының ҡатнашыуы көтөлә.
Салауат Юлаев майҙанында «Йәйләү» тарихи реконструкцияһы, этнография һәм сәхнә костюмдары конкурсы уҙғарыла, милли кейемдәр һәм биҙәүестәр күргәҙмә-йәрминкәһе ойошторола.
Кисен Өфө амфитеатрында «Урал моңо» халыҡ-ара төрки йәштәр фестиваленең гала-концертын ҡарарға мөмкин.


Сығанаҡ