2018 йыл Башҡортостанда Ғаилә йылы тип иғлан ителде. Ошо уңайҙан Мәжит Ғафури исемендәге Башҡорт академия драма театры матур йола - «Ғаилә менән – театрға» акцияһын башланы. Һәр айҙың бер йәкшәмбеһендә сәхнәлә - балалар өсөн әкиәт, ә уның алдында фойела - бәләкәстәр өсөн оҫталыҡ дәрестәре үткәрелә.

Театр республикабыҙҙың «Эшлекле ҡатын-ҡыҙҙар» йәмғиәте менән берлектә ойошторған шәп проекты миҙгел тамамланғансы дауам итәсәк. Күптән түгел 24 февралдә сәхнәлә бәләкәстәр һәм уларҙың ата-әсәләре өсөн «Итекле бесәй» әкиәте, ә фойела оҫталыҡ дәрестәре, мауыҡтырғыс уйындар, күңелле бәйгеләр ойошторолдо.