Мәжит Ғафури исемендәге Башҡорт дәүләт академия драма театры май байрамдары уңайынан акция ойоштора.

10 май көнө Ярослава Пулиновичтың “ЙӘНЕМ, ИРТӘГӘ ЯҢЫ КӨН ТЫУЫР” спектакленә барлыҡ урындарға ла билет хаҡы ни бары 100 һум.

Бала сағынан уҡ донъяның әсе-сөсөһөн күп татыған Жаннаны тормош һынауҙары көслө характерлы, бай һәм уңышлы замана ҡатын-ҡыҙына әүерелдерә. Йәше күптән инде 50-гә яҡынлашҡан ханым үҙенән күпкә йәш кеше менән йәшәй, уның өсөн барыһын да эшләргә әҙер.

Тик, бер көн егет, Жаннаны ташлап, күптән танышып йөрөгән ҡыҙы янына сығып китә. Ләкин матди ҡыйынлыҡтарға, тормош ауырлығына түҙә алмай, ул, йәш кәләше менән, сабый балаһын күтәреп, яңынан Жаннаның ишеген ҡаға…