Мәжит Ғафури исемендәге Башҡорт дәүләт академия драма театры 2017 йылдың 23 декабрь көнө барлыҡ коллектив ҡатнашлығында ҙур театрлаштырылған тамаша – «Сәмле ярыш-баттл» концертын тәҡдим итә.
Өлкән артистарҙы театр йәштәре үҙенсәлекле ярышҡа саҡыра – театрҙа кем төп ролдәрҙә уйнарға тейеш, тамашасылар ҡайһы быуын артистарын нығыраҡ ярата, кемгә ҡайнар алҡыштар яуа?
Был бәйгелә һәр быуын артистары сәмле, дәртле сығыш яһай, популяр, моңло йырҙар, спектаклдәрҙән өҙөктәр, бейеү, юмор – был көндө сәхнәлә халыҡ яратҡан, тамашасы көтөп алған музыкаль тамаша буласаҡ.
Әгәр ҙә һеҙҙең ошондай дәртле, моңло, көлкөлө тамашаны күргегеҙ килһә, Мәжит Ғафури исемендәге Башҡорт дәүләт академия драма театрына рәхим итегеҙ!