Мәжит Ғафури исемендәге Башҡорт дәүләт академия драма театры сәхнәһендә 2017 йылдың 24-се декабрендә кескәй тамашасыларыбыҙ өсөн Яңы йыл бүләге итеп өр-яңы музыкаль әкиәт - «MOUSE STORY» спектаклен тәҡдим итә.

Тамашаны сәхнәгә ҡуйыусы режиссер- Илсур Ҡаҙаҡбаев. Спектакль башҡорт телендә уйналасаҡ.

Был әкиәт һоро сысҡан Шома менән аҡ сысҡан Фружиҙың араһында – дуҫлыҡ, ата-әсәләре араһында дошманлыҡ тоҡанып китеүҙән башланып китә! Әммә, һәр әкиәттәгесә, был мажаралар ҙа яҡшы тамамлана.

Дуҫлыҡ һәм мөхәббәт, татыулыҡ һәм тыныслыҡ тураһындағы был спектакль кескәйҙәргә һәм уларҙың ата-әсәһенең күңеленә хуш килер тип, ышанабыҙ.