23 сентябрҙә Ҙур залда 83-сө концерт миҙгелен асыу тантанаһы була. "Күңелдә музыка менән!" тигән концерт программаһында тамашасыларҙы ижади эксперименттар һәм музыкаль приздар көтә: йырсылар йырлап ҡына ҡалмай, тасуири һөйләүгә лә маһир.

Джаз оркестры музыканттары халыҡ уйын ҡоралдары оркестры солистары була ала, ә бейеүселәр күңелдәрендәге моң хаҡында һөйләй ала.

Филармония солистары һәм коллективтары - эстрада, Музыкаль-әҙәби лекторий, Милли халыҡ уйын ҡоралдары оркестры, Эстрада-джаз оркестры солистары һәм башҡалар - тамашасыларға Башҡорт дәүләт филармонияһында ижадҡа сиктәр булмауын күрһәтергә әҙерләнә! Режиссеры - Башҡортостандың атҡаҙанған артисы Сулпан Асҡарова.