Х.Әхмәтов исемендәге Башҡорт дәүләт филармонияһы солистары - Башҡортостандың атҡаҙанған артисы Лилиә Ишемйәрова һәм халыҡ-ара, Бөтә Рәсәй, республика конкурстары лауреаты Рөстәм Шаһыбалов «Юлдаш» радиоһы ойошторған сентябрь айы хит-парадында ҡатнаша.
Филармонияның моңло һандуғасы Лилиә Ишемйәрова Тамара Ғәниева һүҙҙәренә, байтаҡ йырҙар авторы, Башҡорт дәүләт филармонияһы режиссеры Миңәзәлә Яхина ижад иткән «Саҡырығыҙ усаҡ яндарына» йырын тәҡдим итә, Рөстәм Шаһыбалов-Риваль Хисмәтуллин көйө Айгөл Вәлиуллина һүҙҙәренә яҙылған «Ҡайтыр булһаң» йырын сығара.
Яратҡан йырсыларығыҙ өсөн тауыштарығыҙҙы йәлләмәгеҙ, хөрмәтле дуҫтар! Тауыштар көн һайын түбәндәге һылтанма буйынса http://yuldashfm.ru/ba/hit-parad ҡабул итә.
«Юлдаш» каналы тарафынан ойошторолған хиттар парадында еңеүселәр ай һайын билдәләнә. Иң яҡшылары, иң шәптәренә йыл аҙағында гала-концертта сығыш яһау бәхете тәтей.