Республикала “Башҡортостан тарихы биттәре” фестиваль-марафоны дауам итә.

Бөгөн, 23 ноябрҙә Хөсәйен Әхмәтов исемендәге Башҡорт дәүләт филармонияһында халыҡ ижады фестиваль-марафон сиктәрендә Иглин районы сығыш яһаясаҡ.

Иглин районында тыуып үҫкән, тамырҙары ошо районға барып тоташҡан һәр милләт вәкилен осрашыуға саҡырыла.

Башҡорт дәүләт филармонияһы сәхнәһендә райондың иң яҡшы ижади коллективтары сығыш яһаясаҡ, фойела милли ризыҡтар һәм сувенирҙар, сәнәғәт ойошмалары тауарҙары күргәҙмәһе, Иглидең данлы үткәне һәм бөгөнгөһөнә арналған экспозиция тәҡдим ителәсәк.

Сараға рәхим итегеҙ, киске сәғәт 6-ла башлана, инеү бушлай.