Күптән түгел Михаил Нестеров исемендәге Башҡорт дәүләт художество музейында француз һәм рус һынлы сәнғәтенең 19-20 быуаттарҙағы күргәҙмәһе асылды. Экспозицияла билдәле Мәскәү коллекционеры Инна Баженова фондында һаҡланған биш тиҫтәгә яҡын картина урын алған.

Был эштәр тәүге тапҡыр халыҡҡа ике йыл элек илдең баш ҡалаһында тәҡдим ителгән. Өфөгә уның икенсе варианты, йәғни ыҡсым һәм алып йөрөүгә уңайлы әҫәрҙәре генә килтерелгән. Донъя кимәлендәге рәссамдарҙың эштәрен бергә туплаған күргәҙмә сәнғәт өлкәһендәге интернациональ бәйләнештәргә арнала. Сағыу картиналар менән 31 октябргә тиклем танышырға мөмкин.