Башҡорт дәүләт опера һәм балет театры 21 һәм 22 июнь көндәре Жорж Бизеның “Ынйы эҙләүселәр” операһы премьераһын тәҡдим итә. Һәм сираттағы ижад миҙгелен яңы сәхнә ҡуйылышы менән йомғаҡларға йыйына.
Театр өсөн миҙгел яңы тамашалар һәм еңеүҙәргә бай булды. Күптән Рудольф Нуриев исемендәге XXI Халыҡ-ара балет сәнғәте фестивале үтте, коллектив “Алтын битлек” конкурсының махсус бүләгенә лайыҡ булды. Лев Степанов һәм Заһир Исмәғилевтың «Сыңрау торна» милли балеты яңы ҡуйылышта тамашасылар хөкүменә тәҡдим ителде. Балет республика Башлығы грантына сәхнәләштерелде. Милли классик әҫәр - “Салауат Юлаев” операһы яңы һулыш алды.