2,3,9 һәм 10 сентябрь көндәре Башҡорт дәүләт ҡурсаҡ театры балалар өсөн «Принцесса Крапинка» спектаклен тәҡдим итә.Спектаклдең режиссеры  – Башҡортостан Республикаһының атҡаҙанған артисы Юрий Заяц, рәссамы – Ильнур Слявчин. Тамаша көндөҙгө 12:00 һәм 14:00 сәғәттәрҙә башлана.

Ә 16 сентябрь көнө  БДҠТ-ы сәхнәһәндә беренсе тапҡыр «Семь чудесных пожеланий» спектакль-квестың премьераһы үтәсәк.  Шулай уҡ көндөҙгө 12:00 һәм 14:00 сәғәттәрҙә башлана.

Театрҙың әҙәбиәт бүлегенән хәбәр итеүҙәренсә, спектакль Башҡортостан Республикаһының халыҡ телдәрен өйрәнеү һәм һаҡлау саралары сиктәрендә тормошҡа ашырылған.

 «Спектакль барышында әкиәт геройҙары Петя менән Әминә төрлө хәл-ваҡиғаларға осраясаҡ, башҡорт милли мәҙәниәте, йолалар, ғөрөф-ғәҙәттәр менән танышасаҡ», – ти спектаклде сәхнәгә ҡуйыусылар.

 Әҫәрҙәе сәхнәгә ҡуйыусы режиссер– Альберт Имаметдинов, рәссамы – Әнисә Томаншина, композиторы – Урал Иҙелбаев.