Әлеге ваҡытта Башҡорт дәүләт ҡурсаҡ театры «Ҡыҙыл башлыҡ» исемле яңы спектакль өҫтөндә ээшләй. Спектакль Шарль Перроның барыбыҙға ла таныш әкиәтенә нигеҙләнеп сәхнәләштереләсәк.
Премьера 3 һәм 4 ноябрь көндәренә тәғәйенләнгән. Тамаша көндөҙгө сәғәт 12-лә һәм 2-лә башлана. Спектакль «Театрҙар — балаларға» проекты сиктәрендә «Берҙәм Рәсәй» партияһының финанс ярҙамы менән сәхнәләштерелә.
Спектаклдә Надежда Беззубова, Татьяна Кузьменко, Кристина Латипова, Александр Верхоземский, Башҡортостандың атҡаҙанған артисы Виталий Щербаков ҡатнаша.
Спектаклдең режиссеры — Башҡортостандың атҡаҙанған артисы Виктория Щербакова, рәссам — Башҡортостандың атҡаҙанған мәҙәниәт хеҙмәткәре Андрей Волков, композитор — Владислав Савватеев.