Кисә, 26 сентябрь көнө, Өфө сәнғәт галереяһында Башҡорт дәүләт ҡурсаҡ театрының 85 йыллығына арналған күргәҙмә асылды.

Экспозицияла төрлө йылдарҙағы репертуарҙан алынған, театр фондында һаҡланған сәхнә ҡурсаҡтары, әҫәр өлгөләре менән танышырға мөмкин.

Шулай уҡ, күп йылдар театрҙа ҡуйыусы- рәссам, баш режиссер булған билдәле сәнғәт эшмәкәре Наил Байбурин иҫтәлегенә айырым мөйөш булдырылған. Күргәҙмә 21 октябргә тиклем барасаҡ.