Башҡортостандан ике театр федераль субсидияға эйә булды. “Мәҙәниәт һәм туризмды үҫтереү” программаһы буйынса, бюджеттан 73 төбәккә 220 миллион һумлыҡ субсидия бүленгән. Исемлектә Башҡортостандан ике ойошма күрһәтелгән.

Башҡорт дәүләт ҡурсаҡ театры һәм Мостай Кәрим исемендәге Милли йәштәр театры матди ярҙам ала.

Федераль субсидияға Башҡорт дәүләт ҡурсаҡ театры Владимир Аношкин пьесалары буйынса ике спекталь әҙерләйәсәк, ә Мостай Кәрим исемендәге Милли йәштәр театры “Щелкунчик” тамашаһын сәхнәләштерергә ниәтләй.