Башҡорт опера һәм балет театры артистары Алиса Алексеева һәм Айрат Мәсәғүтов  “Ҙур балет” телепроектының 4-се миҙгелендә ҡатнашасаҡ. Проект 2012 йылда эфирға сығып, ҡатнашыусыларға үҙҙәрен танытырға, һәләтен күрһәтергә һәм профессионал карьерала үҫешергә ярҙам итә. Конкурста артистар ҙа, сәнғәткә яңы аяҡ баҫҡан йәштәр ҙә ҡатнаша ала.

4-се миҙгелдең алып барыусылары - беҙҙең яҡташыбыҙ, донъя опера сәхнәһе йондоҙо Илдар Абдразаҡов һәм Ҙур театр артисткаһы, Миландың Ла Скала балет труппаһы йондоҙо Светлана Захарова.