14 декабрҙә Өфө ҡалаһының «МЕГА» сауҙа-күңел асыу үҙәге майҙансығында Башҡорт теле көнөн байрам итеүгә арналған интерактив сара була.

Был көндә Өфө оҫталары сәйләндән, туҡыманан, күндән һәм ептән башҡорт сувенирҙары эшләү буйынса оҫталыҡ дәрестәре үткәрә, ә иң бәләкәй ҡунаҡтар өсөн «Башҡортостан халыҡтарының миниатюралы милли кейеме» ҡурсаҡ һырлау буйынса оҫталыҡ дәресе әҙерләнә.

Сауҙа үҙәге ҡунаҡтарын сағыу йондоҙҙар: «Тамыр» балалар-үҫмерҙәр студияһы, «Атмосфера» бейеү проекты, Башҡортостан Республикаһының сәнғәт оҫталары - Тимур Рамазанов, Салауат Мөхәмәтйәров, Азат Биксурин, Рәфис Сирусин, Лилиә Ишемйәрова, «Бер каналдағы тауыш» федераль шоу-проектында ҡатнашыусылар - Илдар Абдуллин, Наҙгөл Отузова көтә. Кисәнең махсус ҡунағы - «Бишбармаҡ» оркестры. Концертты алып барыусылар: Зәлиә Сәфиуллина һәм Халыҡ-ара һәм бөтә Рәсәй музыка конкурстары лауреаты Салауат Мөхәмәтйәров. Концерт Башҡортостан Хөкүмәте, Мәҙәниәт министрлығы, Х. Әхмәтов исемендәге Башҡорт дәүләт филармонияһы, Халыҡтар дуҫлығы йорто һәм Мега сауҙа үҙәге ярҙамында үтә.

Сара 19:00 башлана.