Башҡортостан Башлығы гранттарына ғаризалар ҡабул итеү бара. Башҡортостандың Мәҙәниәт министрлығы хәбәр итеүенсә,  мәҙәниәт һәм сәнғәт өлкәһендә аҡсалата премияға дәғүә итеүселәр тейешле документтарҙы ағымдағы йылдың 31 октябренә тиклем тапшырырға тейеш.

 2018 йылда айырым авторҙарға 90 мең һумлыҡ 25 грант һәм ижади коллективтарға 270 мең һумлыҡ 5 грант биреләсәк.

Республика Башлығы гранттарына музыка, театр, хореография, кино, архитектура, музей, халыҡ ижады һәм кәсептәре, һынлы сәнғәт өлкәһендә шөғөлләнеүселәр дәғүә итә ала.