Хәтер һәм хәсрәт көнөнә арналған «Бөйөк илдең бөйөк киноһы» исемле акцияла Башҡортостан Республикаһы ла ҡатнашасаҡ.

22 июндә, Хәтер һәм хәсрәт көнөндә, «Мир» сауҙа һәм күңел асыу үҙәге парковкаһының 3-сө ҡатында 50 автомобилгә ҡаралған автокинотеатр эшләйәсәк.

Ҙур экранда Сергей Бондарчуктың «Кеше яҙмышы» нәфис фильмы һәм һуғышта вафат булған шағирҙарҙың әҫәрҙәрен яңғыратҡан «Ябай мөһим һүҙҙәр. Кеше яҙмышы» исемле документаль фильм күрһәтеләсәк. Фильмдар 21:30 минутта башлана.

Бындай акция 2019 йылдан башлана һәм һәр йыл һайын ҡабатланып торасаҡ. Фронтовиктар тарафынан төшөрөлгән фильмдар бик ҙур әһәмиәткә эйә, улар һуғышҡа булған нәфрәтте һәм кеше тормошоноң ҡиммәтен тамашасылар йөрәктәренә еткерә. Бындай фильмдар еңеү өсөн кеше ғүмерҙәре менән түләнгән юғары хаҡ тураһында һөйләй.