«Башҡортостан» дәүләт концерт залы асыҡ һауала автокинотаетр ойоштора
Республиканың төп концерт майҙаны асыҡ һауала автокинотеатр ойоштора – фильмдар «Башҡортостан» дәүләт концерт залы алдында күрһәтеләсәк.
Беренсе сеанс 24 июндә бушлай буласаҡ. Еңеү парадына бағышлап ойоштороусылар А.Галибиндың «Һеңлекәш» фильмын күрһәтә. Йыйылыу ваҡыты - 21:30 сәғәттә, 22:00 сәғәттә кино башланасаҡ.
Машиналар өсөн урындар сикләнгән, шуға күрә +79196124049 телефоны буйынса алдан яҙылырға кәрәк. Фильмдың тауышы радиоприемниктар аша ишетеләсәк.
Асыҡ һауалағы киносеансты ойоштороусылар – «Башҡортостан» дәүләт концерт залы, Өфө ҡалаһы хакимиәте һәм А.Абдразаҡов исемендәге «Башҡортостан» киностудияһы.