21 декабрҙә «Башҡортостан» дәүләт концерт залында Яңы йыл шыршыһы уҙғарыла. Республиканың төп шыршыһына «Киреһенсә Яңы йыл» тигән тамаша әҙерләгәндәр.

Сараны ойоштороусылар хәбәр буйынса, байрамға780 бала — уҡыу алдынғылары, олимпиада һәм спорт ярыштары еңеүселәре, художестволы үҙешмәкәрлек фестивалдәре лауреаттары саҡырылған.

Балаларҙы шат клоундар, шыршы тирәләй флешмоб, яңы йыл фотозоналары, күләмле декорациялар, сағыу костюмдар, 3D-проекция, яңы йыл тамашаһы көтә.

«Киреһенсә Яңы йыл» тамашаһын балалар көн һайын 2019 йылдың 7 ғинуарына тиклем ҡарай аласаҡ.