“Юлдаш” радиоһы хәбәр итеүенсә, “Яндекс” компанияһы аналиктиктары йырсылар рейтингын әҙерләгән. Ул айырым башҡарыусыларҙы интернетҡа эҙләү күрһәткесе буйынса төҙөлгән. Һөҙөмтәлә, исемлеккә беҙҙең республикала тыуып үҫкән 14 музыкант индерелгән. Беренсе урында рок-йырсы Земфира килә, ә икенселә ДДТ төркөмө һәм Юрий Шевчук урынлашҡан. Тәүге унау араһында шулай уҡ Радик Юлъяҡшин, Ришат Төхвәтуллин, Салауат Фәтхетдинов бар. Әйткәндәй, билдәле йырсылар рейтингында Башҡортостан илдә туғыҙынсы урында. Беренсе-икенсе баҫҡысты Мәскәү менән Санкт-Петербург бүлешә.