Әмир Абдразаҡов исемендәге «Башҡортостан» киностудияһы батырҙар тураһындағы башҡорт әкиәттәре нигеҙендә анимация фильмы әҙерләй. Йәнһүрәт ун минутҡа иҫәпләнгән, рус телендә донъя күрәсәк. Анимациялы картина республика Хөкүмәте һәм Мәҙәниәт министрлығы булышлығында төшөрөлә.
Проект авторы – мультипликатор Рим Шәрәфетдинов.
Яңы «йәнһүрәт» әлегә «Батыр әкиәттәре» тип атала. Әлеге ваҡытта мультипликаторҙар персонаждарҙы йәнәләндерә, милли уйын ҡоралдарын файҙаланып, музыка һайлай.
Кескәй тамашасыларға был йәнһүрәтте Яңы йылға күрһәтергә йыйыналар.