"Башҡортостанда оҙон ғүмерлелек. Туризм" проекты сиктәрендә Башҡортостан Республикаһының Ауырғазы районы пенсионерҙары Милли музейҙа булды. Башҡортостан Республикаһы Милли музейы хеҙмәткәрҙәре музейҙың экспозиция залдары буйлап экскурсиялар һәм «Халҡым моңо» мәҙәни-мәғариф музей сараһын ойошторҙо.

Мәҙәни-белем биреү музей сараһы сиктәрендә ғилми хеҙмәткәр Илдар Шәрипов милли музыка ҡоралдары - ҡурай, думбыра, ҡыл - ҡумыҙ, ятаған һәм XIX быуатта көнкүрешкә үтеп ингән Европа сығышлы музыка ҡоралдары (тальянка, мандолина, скрипка) менән таныштырҙы.

Шулай уҡ башҡорт милли музыка ҡоралы ҡурай яһау буйынса оҫталыҡ дәресе ойошторолдо. Музей ҡунаҡтары ҡурайҙа уйнау оҫталығы буйынса  кәңәштәр алды. Ҡунаҡтар башҡорт халыҡ көйҙәре менән ләззәтләнеп кенә ҡалманы, ә уларҙың барлыҡҡа килеү тарихын да белде .