Башҡортостан “Урындағы мәҙәниәт йорто” проектын тормошҡа ашырыу буйынса ла илдә алдынғылар исемлегендә. Федераль программа “Берҙәм Рәсәй” партияһы башланғысы менән ойошторолдо. Унда 40 төбәк ҡатнаша.

Башҡортостан проектҡа ярашлы быйыл федераль бюджеттан 46 миллион һум алды. Программала республиканың 32 районы һәм ҡалаһы ҡатнаша. Шулай итеп, һәр мәҙәниәт йорто сама менән 1 миллион һум ала. Был аҡсаны музыка ҡоралдары, яҡтыртыу ҡоролмалары, башҡа кәрәкле аппаратура, сәхнә кейемдәре һатып алыуға йәки ремонт үткәреүгә тотонорға була. 2018 йылда “Урындағы мәҙәниәт йорто” проекты буйынса Мәскәүҙән 66 миллион һум алырға ҡарар ителгән. Тимәк, программала күберәк ауыл һәм ҡала клубтары ҡатнаша аласаҡ.

Сығанаҡ: http://yuldashfm.ru/ba/auyl-klubtary