Мәкәрим Хөсәйен улы Төхвәтшин исемендәге һуҡырҙар өсөн республика махсус китапханаһының тифлонәшриәт бүлегендә Гөлнур Яҡупованың «Йыртҡыс ҡаны» исемле китабы донъя күрҙе. Әҫәр Брайлдең рельеф-нөктә шрифты менән башҡорт телендә ике китапта баҫылған.

Билдәле башҡорт яҙыусыһы Гөлнур Яҡупованың повесында ауыр һынауҙар аша үткән ҡатын-ҡыҙ - Һәҙиәнең ғәҙәти булмаған яҙмышы хаҡында бәйән ителә. Яуыз кешеләрҙән ҡасып, ул Урал тауҙары хужаһы - айыуҙан яҡлау таба...

Техник эшкәртеү процесынан һуң китап Өфө ҡалаһындағы махсус китапхана фондына һәм уның филиалдарына ебәрелә.