Башҡортостанда “Уйын” байрамы ойошторола, унда башҡорт халыҡ уйындарын күрергә була. Сара ошо шәмбе, 11 июндә, Ҡырмыҫҡалы районы Тауһеңер ауылы янында уҙғарыла. Байрам Башҡортостан Башлығы грантына үткәрелә. Сара программаһы бай йөкмәткеле. Унда тоҡ менән һуғышыу, ҡатыҡтан тәңкә алыу, көршәк ватыу, шулай уҡ “Уҡ атыу”, “Таш ырғытыу”," Ҡыҙ-ҡыуыу" кеүек уйындарҙа ҡатнашырға, “Бәйге”, “Ылаҡ” ярыштарын ҡарарға була. Кисен майҙанда "Таштабан"," Ритайым" кеүек бейеү бәйгеләре ойошторола. Сара барышында “Көмөш өҙәңге”, “Башҡорт йәйләүе” тигән күргәҙмәләр эшләйәсәк, тип хәбәр итәләр Мәҙәниәт министрлығынан.

Сығанаҡ