Башҡортостанда киләһе йылда “Ауыл мәҙәниәт хеҙмәткәре” программаһы тормошҡа ашырыла башлай. Республика Башлығы Радий Хәбиров яңы проект эстәлеген ентекләп уйларға ҡушты.

Программаға ярашлы, ауыл йәки бәләкәй ҡалаларға эшкә ҡайтҡан мәҙәниәт белгестәрен матди дәртләндереү ҡарала. Яңы проект республикала мәҙәниәт тармағында кадрҙар ҡытлығы мәсьәләһен хәл итергә мөмкинлек бирәсәк.