Башҡортостанда мәҙәниәт йорттарына яңы ҡорамалдар ҡайтарыла. “Берҙәм Рәсәй” партияһының “Урындағы мәҙәниәт йорто” проекты буйынса быйыл беҙҙең республикаға 46 миллион һум аҡса бүленгән.

Төбәк ҡаҙнаһынан өҫтәмә 5 миллион һум йүнәлтелгән, тип хәбәр итәләр Республика Хөкүмәтенән. Ошо суммаға республикала 32 мәҙәниәт йортоноң матди-техник базаһы нығытыласаҡ.

Мәҙәниәт йорттарына музыкаль һәм яҡтыртыу ҡорамалдары, сәхнә кейемдәре ҡайтарыла. Әлеге ваҡытта Әбйәлил, Йылайыр, Өфө, Бөрйән, Ҡыйғы, Бөрө һәм башҡа райондарҙа мәҙәниәт йорттары яңыртылған.