Башҡортостанда 24 майҙа Славян яҙмаһы һәм мәҙәниәте көндәре асыла. Сара 29 майға тиклем дауам итәсәк. Республика район-ҡалаларында конференциялар, күргәҙмәләр, концерт, ижади кисәләр һәм башҡа күп кенә тамашалар үткәреү күҙаллан­ған. Бөгөн Краснокама районы үҙәгендә "Кирилл һәм Мефодий" тип аталған түңәрәк өҫтәл ойошторола. 21 майҙа бында республика фольклор байрамын уҙғарыу планлаштырылған. Шул уҡ көндә Бәләбәй районында йәнә бер фольклор байрамы була. Славян яҙмаһы һәм мәҙәниәте көндәре уңайынан байрам концерты майҙың 24-ендә Өфөлә "Башҡортостан" дәүләт концерт залында үтә. 29-ында иһә Өфө районында боронғо рус йырҙары байрамы ойошторола.