Ошо көндәрҙә Башҡортостанда славян яҙмаһы һәм мәҙәниәте көндәре уҙғарыла. Республика Хөкүмәте ҡарарына ярашлы, байрам саралары бөгөн Бәләбәй районы Надеждино ауылында башланып китте.
19 майҙа иһә Краснокама районы Николо-Березовка ауылында "Никола Вешний" тигән Республика фольклор байрамы уҙасаҡ. Сарала Татарстан, Удмурт республикалары, Пермь крайы вәкилдәренең дә ҡатнашыуы көтөлә.
26 майҙа Өфө районы Ҡыҙылъяр ауылының 400 йыллығына һәм славян яҙмаһы барлыҡҡа килеүҙең 1 мең 155 йыллығына арнап боронғо рус йырҙары фестивале уҙғарыласаҡ.